Eerste couplet

Minse zing now allemoal met blieje stum,
ozzen bungalow det is ein Unicum.
Dao veul ik mich heppie, zing ik altied weer,
dao krieg ik kondisie, drink ein glaeske beer.
Dao veul ik mich heppie, zing ik altied weer,
dao krieg ik kondisie, drink ein glaeske beer.

Tweede couplet

Elke Donderdaag dan helt os neemes toes,
wille wee zoë gaer weer nao os moei kluphoes.
Dao is kameroadschap, noeëts gen trammelant,
Tegele en Venlo, gaon zelfs hand in hand.
Dao is kameroadschap, noeëts gen trammelant,
Tegele en Venlo, gaon zelfs hand in hand.

Derde couplet

Jaorelang haop ik nog nao d'n Berg te gaon,
net zoë lang as det mien hert zal blieve slaon.
As ik later doeëd bin zek ik: "Leeven Hieër,
laot mich 't kluphoes kieke, al is ut maar eine kieër!"
As ik later doeëd bin zek ik: "Leeven Hieër,
laot mich 't kluphoes kieke, al is ut maar eine kieër!"